Beteja e re e Haradinajt në Hagë

Kryeministri në detyrë i Kosovës, Ramush Haradinaj, është paraqitur para Prokurorisë Speciale për krime lufte në Kosovë, e cila vepron në Hagë. Ai është ftuar të intervistohet si i dyshuar. Haradinaj tha se është mbrojtur në heshtje, duke kryer obligimin ligjor në bazë të një ftese të Prokurorisë Speciale të Dhomave të Posaçme. “Kam pranuar këshillën ligjore që të mos përgjigjem fare në pyetje”, tha Haradinaj, duke shtuar se nuk pret ndonjë aktakuzë kundër tij.