Fëmija më i shëndoshë në botë humbet gjysmën e peshës së tij

Një fëmijë 13-vjeçar që më parë peshonte 191.9 kg ka humbur më shumë se gjysmën e peshës së tij trupore.

Arya Permana nga Indonezia dikur konsiderohej fëmija më i shëndoshë në botë. Në moshën 10-vjeçare ai nuk ishte i aftë të ecte dhe i merrte mësimet e shkollës në shtëpi.

Pesha e tij i rrezikonte jetën ndaj Arya iu nënshtrua një operacioni të stomakut. Ai është personi më i ri ndonjëherë që bën operacion të stomakut.

Procedura, shoqëruar me një dietë strikte me peshk dhe perime të pjekura në skarë, ndihmuan adoleshentin të humbasë 106 kg dhe tani ai peshon 85.8 kg.