Fillon seanca për katër të arrestuarit, masa të shtuara të sigurisë (FOTO)

Ka filluar seanca për caktimin e masës së sigurisë ndaj M.M. shtetas i Malit të Zi, J.P. shtetas i Malit të Zi, S.D. shtetas i Serbisë, L.Z. shtetase e Kosovës.

Seanca është e mbyllur për media dhe publikun.

Të arrestuarit janë sjellë në Pallati e Drejtësisë nën masa të rrepta të sigurisë. Siç raporton gazetari i KALLXO.com, ka masa te shtuara te sigurisë në gjithë Pallatin e Drejtësisë, ka pjesëtarë të Njësive Speciale të Policisë së Kosovës.

Prokurori i shtetit Armend Hamiti, ka treguar për KALLXO, se ka kërkuar 30 paraburgim për katër të arrestuarit.

Policia e Kosovës në aksionin e parmbrëmshëm të Njësisë Speciale, arrestoi katër persona. Dy nga katër të arrestuarit sipas Policisë së Kosovës janë persona të  kërkuar me urdhër arrest ndërkombëtar dhe të dy janë të dyshuar për përfshirje në vrasje.

Siç ka njoftuar Policia, deri të identifikimi dhe arrestimi i të dyshuarave kanë arritur falë bashkëpunimit me autoritete malazeze.

“Policia e Kosovës, në frymën e bashkëpunimit ndërkombëtar, në këtë rast pas shkëmbimit të informacioneve me autoritete malazeze, me datë 18.07.2018, në Prishtinë ka zhvilluar një operacion policor për identifikimin dhe arrestimin e disa shtetasve të huaj, dy nga ta të kërkuar me urdhër arrest ndërkombëtar që dyshohet se janë të përfshirë edhe në Vrasje”, ka njoftuar Policia.

Sipas njoftimit, operacioni është zhvilluar në dy lokacione në Prishtinë dhe gjatë kontrollit janë gjetur dhe sekuestruar dy armë, sasi e narkotikëve, një veturë, dokumente që dyshohet se janë të falsifikuara, sasi e parave dhe gjëra të tjera.

“Policia gjatë operacionit ka arrestuar katër persona të dyshuar, dy nga të cilët dyshohet se përveç urdhër arrestit ndërkombëtar për vrasje, dyshohen të jenë përfshirë edhe në veprat penale: Blerja, posedimi, shpërndarja dhe shitja e pa autorizuar e narkotikëve, substancave psikotrope dhe analoge dhe Mbajtje në pronësi, kontroll apo posedim të armës”, thuhej në njoftimin e Policisë.

Mediat malazeze: Dy shtetas të Malit të Zi u arrestuan në Prishtinë

VIDEO: Policia Speciale operacion në Prishtinë për kapjen e të kërkuarve nga INTERPOL-i

Prokuroria kërkon paraburgim për të arrestuarit e mbrëmshëm nga Njësia Speciale

Millosheviq dhe Paviqeviq, malazezët e arrestuar mbrëmë në aksionin e policisë

Valltarja në mesin e të arrestuarëve mbrëmë nga Njesia Speciale

VIDEO: Njësia Speciale tërhiqet nga lagjja ‘Kalabria’