“Marrëveshja e Prespës”, Cipras dhe Zaev kandidatë për Çmimin Nobel të Paqes

Kryeministri grek, Aleksis Cipras dhe kryeministri i Maqedonisë së Veriut, Zoran Zaev u nominuan për Çmimin Nobel të Paqes 2019.

Liderët e grupit socialist dhe demokrat (S & D) në Parlamentin Europian, grupi i kryesuar nga Udo Bullmann i të Gjerlbërve /Aleanca e Lirë Europiane (EFA) Ska Keller dhe e majta e bashkuar europiane-E majta e gjelbërt nordike (GUE / NGL) Gabbi Zimmer shprehën mbështetjen e tyre pro kësaj kandidature. Lajmi u bë i ditur nga agjencia e lajmeve (ANA) referuar informacioneve ekskluzive.

Në një deklaratë të përbashkët të nënshkruar nga tre partitë theksohet se ”Marrëveshja e Prespës” mes Greqisë dhe Republikës ish-Jugosllave të Maqedonisë (FYROM) i jep fund një mosmarrëveshje të gjatë dhe sjell stabilitetit në rajonin e Ballkanit Perëndimor.