Ministri Bytyqi: Liberalizimi i vizave ka rëndësi jetike për të rinjtë tanë

Ministri i Arsimit, Shkencës dhe Teknologjisë, Shyqiri Bytyqi  ka thënë se rekomandimi pozitiv për viza është përpjekje shumëvjeçare e Kosovës për të krijuar një shtet që e meriton të lëvizë lirshëm.

Ai nëpërmjet një postimi në Facebook, liberalizimi i vizave është me rëndësi jetësore për të rinjtë Kosovës.

“Liberalizimi i vizave është me rëndësi jetësore për të rinjtë tanë sidomos, sepse do të mund ta përdorin këtë mundësi për t’u arsimuar, për të njohur kultura dhe për të marrë përvoja evropiane, që do t’i ndihmojnë shumë ngritjes së cilësisë në arsim dhe zhvillimit të Kosovës në përgjithësi!”, ka thënë ai.

Ja postimi i plotë:

Komisioni Evropian ka dhënë sot rekomandim pozitiv për viza për shtetasit e Kosovës. Ky lajm na jep shpresë se edhe Këshilli dhe Parlamenti Evropian do të kenë në agjendën e tyre përpjekjet shumëvjeçare të Kosovës për të krijuar një shtet që e meriton të lëvizë lirshëm në Evropë.

Liberalizimi i vizave është me rëndësi jetësore për të rinjtë tanë sidomos, sepse do të mund ta përdorin këtë mundësi për t’u arsimuar, për të njohur kultura dhe për të marrë përvoja evropiane, që do t’i ndihmojnë shumë ngritjes së cilësisë në arsim dhe zhvillimit të Kosovës në përgjithësi!

Urime për të gjithë qytetarët e Kosovës!

Loading...