Ministri Sefaj paralajmëron njohje të patentë-shoferëve nga vendet e BE’së

Ministri i Punëve të Brendshme, Flamur Sefaj ka njoftuar së shpejti do të ketë marrëveshje për njohjen reciproke për ndërrimin e patentë-shoferëve të Kosovës me patentë-shoferë të shteteve të BE-së.
“Ministria e Punëve të Brendshme është duke punuar që në afat sa më të shkurtër të kemi marrëveshje reciproke për njohjen – ndërrimin e patentë-shoferëve të Kosovës me patentë-shoferë të shteteve të BE-së që ende nuk e lejojnë këtë gjë”, ka shkruar Sefaj.

Sefaj më tej ka thënë se patentë-shoferi i Kosovës mund të përdorët për tranist në komunikacion rrugorë në pothuajse të gjitha shtetet e BE-së.

“Ditë më parë kemi lëshuar patentë-shoferin me dizajn të ri, i cili i plotëson të gjitha standardet ndërkombëtare dhe garanton nivel të lartë të sigurisë. Patentë-shoferi i Republikës së Kosovës mund të përdoret për transit në komunikacionin rrugor pothuajse në të gjitha shtetet e BE-së”, ka shkruar Sefaj në Facebook.

Loading...