Me këto ushqime e bëni trupin tuaj të fortë gjatë muajit të Ramazanit

Tashmë është java e dytë e muajit të Ramazanit dhe agjërimi di të jetë i jetë i papërballueshëm për ata që nuk ushqehen si duhet, transmeton Gazeta Metro.

Nëse agjerimi mbahet në mënyrën e duhur nga persona që gëzojnë shëndet të plotë, mund të ndikojë pozitivisht në shëndet. Gjatë Ramazanit ushqimi merret çdo ditë dhe nëse merret ashtu siç duhet, nuk e lejon trupin të kalojë në uri.

Çfarë duhet të keni parasysh gjatë Ramazanit:
Së pari në orët e lejuara të marrjes së ushqimit duhet të konsumoni ushqime me përmbajtje të mjaftueshme karbohidratesh, të kombinuara me fibra dhe shumë ujë.

Ushqime të tilla janë:

Tërshëra, elbi, thekra
Buka e zezë
Makaronat dhe orizi kaf
Patatet e vogla me lëkurë
Bizelet
Fasule
Qiqra
Frutat
Hurmat e Arabisë ( ju japin energji dhe hekur)

Gjatë agjërimit zgjohen mekanizmat mbrojtës të trupit. Nëse e ndiqni siç duhet, mund të ndikojë në uljen e kolesterolit dhe në rrëzimin e peshës së tepërt.

Këshilla të rëndësishme:
Është e rëndësishme të merren sa më shumë lëngje gjatë kësaj periudhe dhe të mos teprohet me kripën. Kjo e fundit mund t’ju japë shumë etje dhe do ta bëjë të vështirë mbajtjen e agjërimit.
Evitoni ushqimet me shumë yndyrë. Përdorni gjithmonë vaj ulliri cilësor.
Ndiqni një regjim të ekuilibruar gjatë dy vakteve të Ramazanit dhe evitoni ushqimet e skuqura, ato të përpunuara, të kripura apo të shërbetosura.