Modriç mund ta humbas pozitën e titullarit

Luka Modriq ka qenë në krye të ballinave të mediave botërore këtë verë, me interesimin e madh të Interit për të pas paraqitjeve të tij madhështore në Kupën e Botës, por tani gjërat janë qartësuar dhe kroati mbetet pjesë e Real Madridit.

Katër tituj të Ligës së Kampionëve në gjashtë vite është tregim në vete, por Modriq nuk ka qenë titullar i Madridit deri tani këtë sezon, transmeton Gazeta Express.

Nuk ka qenë befasi fakti që ai u la në stol në ndeshjen e Super Kupës së Evropës, për shkak se Modric nuk ishte stërvitur mjaftueshëm, por i tillë ka qenë fakti se ai nuk e nisi nga fillimi ndeshjen e parë të Real Madridit në La Liga kundër Getafes një javë më parë.

Natyrisht, formacioni i Julen Lopeteguit 4-3-3 nënkupton se ka hapësirë në mesfushë, me Toni Kroos dhe Isco që kanë qenë titullarë. Derisa për shumë opsioni i tretë në mesfushë do të ishte Modriq, Lopetegui ka menduar ndryshe duke e zgjedhur Casemiron.

Sulmi me tre do të thotë se ka pak vend për manovrim për ndeshje ndaj Gironës, prandaj e gjitha lë të kuptohet se Modric duhet të luftojë për vendin e titullarit.

Komentet

komentet