Mungesa e kësaj vitamine çon në verbim, jepuni syve ushqimin që duan!

Pse Vitamina A është aleatja më e madhe e shikimit dhe lëkurës. Ushqimet ku mund ta gjeni në formën natyrale këtë vitaminë dhe kundër cilave sëmundje ka më shumë efikasitet…
VITAMINA A njihet ndryshe si “vitamina e mrekullive”, për shkak të ndikimit pozitiv që ka në rritjen e imunitetit tonë.

Kjo vitaminë eshte ne gjendje të ngadalësoje procesin e plakjes, duke përmirësuar gjendjen e përgjithshme të lëkurës, ndërsa është ideale për sytë.

Theksojme se: Një dietë e varfër me vitaminë A ka efekte shumë negative tek shikimi duke shkaktuar edhe verbërim.

Një nga shenjat e para të mungesës së vitaminës A është ulja e aftësisë shikuese pas perëndimit të diellit.

Prindërit mund ta kuptojnë që fëmija ka këtë sëmundje pasi në muzg po qe se ka pak dritë fëmija nuk është në gjendje të njohë personat, nuk luan dhe lëviz me vështirësi.

Fëmija, ose i rrituri, me këto simptoma duhet t’i drejtohet mjekut.

DY FORMAT E VITAMINËS A
Vitamina A është e nevojshme për funksionimin normal të syrit (veçanërisht për të parin në errësirë), mbron lëkurën nga tharja dhe ndihmon në zhvillimin e kockave.

Në ushqime vitamina A është në dy forma: Retinoli dhe Karoteni.

Retinoli është i pranishëm vetëm në ushqimet me origjinë shtazore.

Ai është i tretshëm në yndyra. Mëlçitë, peshku, veza e qumështit me yndyrë janë të pasura me retinol.

Forma e dytë e vitaminës A është beta-Karoteni, nje pigment me ngjyre portokall-verdhë dhe të kuq, që trupi e konverton në vitaminë A, kur është e nevojshme.

Karoteni gjendet kryesisht në ushqimet me origjinë bimore.

Karotenet janë përzierje të një substance ngjyrë të verdhë-portokalli, që siç e cekëm më lart, kthehet në organizëm në vitaminë A.

Më të rëndësishme nga këto janë beta karotenet.

Burimet e nevojshme të karoteneve janë zarzavatet me gjethe jeshile ose të verdha.

Vitamina A është e qëndrueshme gjatë gatimit dhe nuk shkrihet në ujë.

Vitamina A gjendet në qumështin e gjirit, mëlçi, të verdhën e vezës, fruta me ngjyrë portokalli (por jo në portokallet), mango, fruta ekzotike (sa më e errët ngjyra aq më shumë vitaminë A ka në to), perime me gjethe jeshile: spinaqi, brokoli, kungulli.

KUNDËR SËMUNDJEVE
Vitamina A është aleatja më e madhe e shikimit dhe lëkurës.

Ajo siguron përmbajtjen e pigmentit ngjyrues të radopinës dhe iodipsinës të retinës.

Efektet e saj kundër tharjes (lehtëson sekrecionet e mukozës) dhe trashjes (frenon formimin e keratinës, proteinë prezente në qelizat e korneve të siperfaqes), janë ndihma më e çmuar për lëkurën dhe mukozën, të brendshme dhe të jashtme, duke siguruar fleksibilitetin dhe hidratimin.

Vitamina A është e domosdoshme për të gjithë epitelet, nga ku siguron formimin, shërimin dhe stimulimin e ndarjes qelizore.

Është vitamina e rritjes që siguron rritjen e peshës dhe kontribuon në zhvillimin e trupit, forcon eshtrat.

Pra, njerëzit që kanë nevojë më së shumti të marrin vitaminë A, janë:

1. Njerëzit, të cilët nuk janë në gjendje të shohin në erresirë, ose kanë sy të thatë.

2. Fëmijët që kanë rritje të varfër.

3. Njerëzit që kanë probleme me lëkurën.

4. Të gjithë ata që janë nën dietë të ulët të lëkurës ose që kanë përthithje të dobët (qeëvuajnë nga fibroza cistike).

Gjithsesi, mos e teproni në marrjen e vitaminës A si tabletë, sepse mund të jetë toksike.

Mënyra më e shëndetshme është të merret nga frutat dhe perimet, ku nuk ka asnjë lloj efekti negativ.

Vlerat e larta ushqyese gjenden tek perimet me ngjyrë jeshile të errët
Perimet janë të pasura me vitamina A dhe C, si dhe përmbajnë sasia të konsiderueshme kalciumi hekuri kaliumi, magnezi e bashkë me kripëra të tjera minerale.

Ky grup furnizon organizmin edhe me një sasi të caktuar karbohidratesh.

Perimet me gjethe e me ngjyrë jeshile më të errët kanë vlera më të larta ushqyese.

Konsumi i perimeve është i domosdoshëm për të ndaluar mungesën e vitaminës A dhe hekurit.

Këto vitamina janë shumë të rëndësishme për vetitë e forta antioksiduese.

Veti të cilat neutralizojnë efektin e radikaleve të lira që janë substanca të prodhuara gjatë proceseve normale të organizmit, por që janë shumë të rrezikshme nëse nuk neutralizohen.

Radikalet e lira mendohen se luajnë rol në sëmundjet e zemrës, plakjen dhe sëmundjet kanceroze.

Përveç vitaminës D trupi nuk mund ti prodhoje vete këto substanca, ndaj shfaqet e nevojshme që mungesat e tyre të plotësohen domosdoshmërish nëpërmjet dietës së përditshme ushqimore.

Konkretisht vitamina D prodhohet nga organizmi kur lëkura ekspozohet ndaj rrezeve të diellit.

Mungesa e zgjatur e një lloj të caktuar ushqimi mund të çojë në shfaqjen e sëmundjeve siç mund të jetë mungesa e vitaminës A që çon në shfaqjen e verbimit.

VITAMINA A KUNDËR SËMUNDJEVE
– vepron si antioksidant duke ndihmuar në mbrojtjen e qelizave tona kundër kancerit dhe sëmundjeve të tjera

– përmirëson shikimin dhe parandalon verbërinë

– nxit formimin e kockave

– na mbron kundër bakterieve, paraziteve dhe infeksioneve virale

– ruan nga sëmundjet e zemrës, atakeve dhe ul kolesterolin në gjak

– përmirëson gjendjen e lëkurës ne fytyrë, kundra akneve

– largon rrudhat dhe ndihmon zbehjen e pikave të moshës.

– ndihmon fëmijët të cilët kanë problem në rrugët e frymëmarrjes

– ndihmon njerëzit që vuajnë nga glaukoma dhe fruthi.

Sa ju nevojitet
• Meshkujt: 900 mikrogramë në ditë

• Femrat: 700 mikrogramë në ditë

• Femrat shtatzënë: 770 mikrogramë në ditë

• Nënat lehonë: 1,300 mikrogramë në ditë