“Nuk është vetëm Man.City e PSG, por edhe Inter… Demi duhet kapur prej brirësh!”

Presidenti i Ligës Spanjolle, Javier Tebas, ka vijuar të lëshojë akuza të reja kundër Inter, pas atyre të pak kohëve më parë në lidhje me çështjen “Modric”. Një transaksion që nuk u finalizua pozitivisht për klubin zikaltër, por që nuk është kapërdirë ende nga numri një i kampionatit spanjoll. Kësaj here Inter është vetëm nëj pretekst për të sulmuar, edhe kësaj here, jo për të parën herë, UEFA-n.Tebas kishte lëshuar akuza të rëndësishme që vitin e kaluar, në përfundim të merkatos së verës, që dëshmoi Paris Saint Germain të blinte Neymar dhe më pas Mbappè, duke shkelur sipas Tebas, normat e Fair Play Financiar.

I intervistuar nga Mundo Deportivo, Tebas deklaroi: “Sanksionet kundër PSG për Fair Play Financiar? Jam pessimist, shoh se UEFA nuk përballet me temën sikurse duhet të bëjë. Demi duhet kapur prej brirësh, përndryshe nuk i dilet. Sot nuk flasim më vetëm për PSG dhe Manchester City, por edhe për klube të tjera, si Inter, sikurse pamë në rastin Modric. Nuk ka më nevojë që të kesh një status mbi krahë, mjafton të kesh një capital të madh. Kjo gjë shkakton inflacion në sektorë shumë të rregulluar si La Liga. Këtë vit do të punoj shumë në këtë aspekt”.