Pas vendimeve të MTI-së për masat mbrojtëse: Qytetari po e ndjen dorën e shtetit

Xhevdet Smakiqi anëtarë i këshillit Kombëtarë të NISMA Socialdemokrate duke folur për vendimet e fundit të ministrit të Tregtisë dhe Industrisë, Bajram Hasani për masat mbrojtëse.

Ai ka vlerësuar se vetëm tash qytetari i Kosovës po e ndjen dorën dhe kujdesin e shtetit. Shteti sipas tij ka kuptim vetëm kur mbron vlerat, prodhimet dhe shëndetin e shtetasve të tij.

“Sot janë bërë dy ditë që Dogana e Kosovës po e zbaton vendimin e ministrit Bajram Hasani të MTI-së, si pjesë e zbatimit të programit Socialdemokrat të premtuar nga Nisma -Kryetari i saj Ztr. Fatmir Limaj në fushatën zgjedhore 2017. Sot si kurrë me parë ju e keni ndjerë dorën e shtetit tuaj, qe i keni paguar tatmin në fitim, taksen komunale, licencimin por dhe qe i keni mbledhur TVSH ne pikat e juaja te shitjes për me shumë se 18 vite.”, ka thënë ai.

Sipas tij ndonëse Ligji Për Masat Mbrojtëse ka qenë i miratuar shumë vite me parë, si praktikë e krejt shteteve sovrane e demokratike, por nuk u zbatua asnjëherë nga ministrat e kaluar.

“Por ish-Qeveritë kuazi të djathta ish Ministrat e MTI-së, brengën e vetme e kishin importuesin/tregtarët se si ata të siguronin profitin, nga perimet qe kalojnë ditët në transportë rrugor e detar, biles dhe tash pjesë te koaliconit janë mërzitur për specin e Greqisë, Maqedonisë, Serbisë e gjetiu dhe importuesit/tregtarëve po ju bie profiti.”, ka shkruar ai.

Smakiqi ka thënë se ministrat e kaluar konsumatorin nuk e kishin në agjendë kurse prodhuesit vendorë i luftonin me çdo metodë diskriminuese.

“I nderuar konsumatorë i Kosovës përderisa masat mbrojtëse do të jenë në fuqi deri më 17 Tetor 2018, ju do të shijoni perimet e tokës tonë të bekuar te Kosovës. Sofra jonë do të mbushet mëngjes e darkë me 21 produktet vendore duke filluar me specin e përfunduar me shalqinin. Kultivuesit e Kosovës do të ngritin edhe me tutje prodhimin, do shtohen vendet e reja të punës, do t’i modernizojnë teknologjitë e përpunimit. Shteti do të përfitoi nga mbledhja e tatimeve në fitim dhe tatimet tjera përkatëse.”, është shprehut Smakiqi.

Ai ka përmendur edhe një rast kur një prodhues vendor i cili kishte thënë se deri më tani armikun më të madh e kishin pas MTI-në.

“Këtë arritje të Qeverisë sonë dhe të MTI-së të udhëhequr nga Nisma Socialdemokratë po e përmbylli me një fjali të një prodhuesi vendorë i A.D cili në një nga takimet na kishte thënë citoi. ‘A thua a ka ardhur dita qe MTI-ja te mos na pengoi sepse armikun me te madh se tregtaret e kishim MTI-në këto 18 vite nuk me besohet’”. la thënë ai.

Loading...