Rama e quan të stërvonuar raportin për liberalizimin e vizave për Kosovën

Kryeministri i Shqipërisë,  Edi Rama ka reaguar nëpërmjet një statusi në Facebook, në lidhje me raportin pozitiv për liberalizimin e vizave për Kosovën.

“Më në fund një hap pozitiv i stërvonuar i Brukselit për liberalizimin e vizave për Kosovën! Uroj që Këshilli dhe Parlamenti Europian të mos mendohen, po të rreshtohen në favor të heqjes së kësaj pengese të pajustifikueshme mbi Kosovën”, shkroi Rama.

Ky reagim vejn vetëm pak orë pasi Dimitris Avramopoulos, Komisioneri Evropian për Migracionin, Çështjet e Brendshme dhe Shtetësinë, deklaroi se Kosova ka arritur progres dhe kriteret për liberalizimin e vizave janë plotësuar.

Hapi i radhës pritet të hidhet nga Parlamenti Evropian, që ka detyrën të miratojë heqjen e vizave për shtetasit e Kosovës, nga ana e vendeve të Bashkimit Evropian.