Ronaldo, Lazio dhe Bonucci, në “skanerin” e Allegri…

Debutimi i Ronaldo para tifozëve të Juventus, rikthimi i Bonucci në “Juventus Stadium” dhe pengesa Lazio. Këto kanë qenë tre temat për të cilat ka folur trajneri i bardhezinjëve, Max Allegri, gjatë konferencës për shtyp.

“Vitin e kaluar kishim fituar 41 ndeshje radhazi në fushë tonë, por na mundi Lazio, – tha trajneri i “Zonjës së Vjetër”. – Eshtë një ekip i stërvitur mirë nga Inzaghi. Luajnë shumë me kundërsulm dhe kanë Milinkovic një futbollist që është i fizikshëm, por ka edhe klas.”

I pyetur si duhet shërbyer Ronaldo nga pjesa tjerët e ekipit, Allegri u përgjigj: “Futbolli është i letë. Duhet që futbollistët të njihen mirë me njëri-tjetrin. Do të përmirësohet në të ardhmen. Ndaj Chievo goditi gjashtë herë portën kundërshtare dhe kjo më pëlqen. Ne duhet të jemi më të gatshëm në topat e kthyer nga portieri.”

Ndërsa kur dikush e provokon se Ronaldo nuk do të ulet kurrë në stol, Allegri shton: “Jo, mund të ndodhë që edhe ai të pushojë.”

Për Bonucci, Allegri tha: “Do ta vlerësojë si gjithë të tjerët në fushën e lojës. Do të jetë e komplikuar për të gjithë ne, jo vetëm për të. Gjithsesi, Leonardo më është dukur entuziast dhe si gjithmonë ka shumë pasion.”

Komentet

komentet