SHBA publikon një video që tregon se si Irani largon një minë nga cisterna në Gjirin e Omanit

Pak orë pas deklaratës së Pompeos, ushtria amerikane ka lëshuar një video, në të cilën ajo tregon Gardën Revolucionare të Iranit, duke hequr një minë të pashpërthyer në një cisternë të dëmtuar nga sulmet.

Një zyrtar i lartë iranian i tha BBC-së, se Irani nuk ka lidhje me sulmet.

Shpërthimet në një nga rrugët ujore më të ngarkuara të naftës në botë, vijnë një muaj pasi katër depozita nafte u sulmuan në brigjet e Emirateve të Bashkuara Arabe.

SHBA-ja në atë kohë fajësoi Iranin – por Teherani i mohoi akuzat.

Çmimet e naftës i ngritën deri në 4% pas incidentit të së enjtes.

Gjiri i Omanit është një ngushticë strategjike, përmes së cilës kalojnë qindra milionë dollarë naftë.