Të paktën 142 persona të vdekur pas tërmetit në Indonezi

Të paktën 142 persona kanë vdekur pas një tërmeti të fuqishëm që ka goditur ishullin indonezian, Lombok.
Qindra persona janë plagosur si pasojë e tërmetit të së dielës, derisa zytarët kanë thënë se shumica e viktimave gjenden ne veri të ishullit.

Tërmeti i shkallës shtatë ka ndodhur në vetëm 10 kilometra thellësi nëntokësore, duke dëmtuar mijëra ndërtesa dhe duke ndërprerë energjinë elektrike.

Në ishullin e afërt, Bali, janë publikuar pamje teksa njerëzit kanë ikur duke bërtitur nga shtëpitë e tyre.
Në ditën e diel po ashtu është paralajmëruar për një cunami, mirëpo njoftimi është tërhequr më vonë.

Ky tërmet vjen një javë pasi një tjetër goditje ka prekur ishullin Lombok, i cili vizitohet nga shumë turistë për shkak të plazheve që ka.

Tërmeti i mëparshëm ka lënë të vdekur të paktën 16 persona.