Thaçi e dekoroi me medalje Era Istrefin, këngëtarja kërkoi ta përqafojë (VIDEO- FOTO)

Presidenti Hashim Thaçi e ka dekoruar me medalje presidenciale, këngëtaren kosovare Era Istrefi, pas performancës në ceremoninë finale të Kampionatit Botëror në Rusi.

Thaçi tha se prezenca e Era Istrefit në Botëror ishte vet Kosova, edhe pse shteti ynë nuk ishte pjesë e garës.

“Prezenca juaj ishte Kosova, simbolikë, mesazh, ishte zëri i Kosovës, për imazhin e  Kosovës që keni krijuar me përkushtimin dhe suksesin e jashtëzakonshëm global, kam vendos të ndaj dekoratë për ju, për kontributin për vendin”, tha presidenti.

Ndërkaq, Istrefi tha se e vlerëson shumë këtë medalje, dhe i kërkoi leje Thaçit nëse mund ta përqafonte.

“Wow, faleminderit shumë. A mundem me të përqafë? E  vlerësoj shumë, që kjo medalje vjen prej juve dhe shtetit, është ndjenjë shumë e veçantë”, tha këngëtarja.

Artistja i dhuroi një top të Botërorit Presidentit Thaçi, në të cilin ishte edhe autografi i futbollistit të njohur, Ronaldinjos.

Thaçi u pyet nga gazetarët nëse është xheloz për suksesin e artistëve kosovarë.

“Era është më madhe, Era, Dua dhe ORA janë më të njohura se të gjithë ne. Janë njerëz me ndikim, dhe zëri i tyre është zë global Kemi qenë krenar për të arriturat e Erës, jemi ndje shumë krenar që e gjithë bota e ka shikuar prezantimin e Erës. Unë nuk jam xheloz për suksesin e Era Istrefit. Është një mrekulli çka po i ndodhë Kosovës me talentet e artit, kulturës dhe sportit”, tha Presidenti Thaçi.

LIVE: Presidenti Thaçi dekoron Era Istrefin

Publiée par Kallxo.com sur Vendredi 20 juillet 2018

 

Loading...