UEFA: Myler mungon në sfidat ndaj Liverpullit (video)

Një takë drejt e në kokë, një ndër ndërhyrjet me të ashpra në Ligën e Kampionëve ishte ajo e Tomas Mylerit ndaj Niko Tagliafikos, në ndeshjen që Baern Munihu barazoi 3-3 me Ajaksin për ndeshjen e fundit të fazës së grupeve. Dhe kartoni i kuq në atë përballje ka parandaluar Mylerin që të jetë pjesë e sfidës së parë në mes Bajernit dhe Liverpullit, më 19 shkurt në “Anfilld Roud”. Mirëpo UEFA ka publikuar vendimin se sulmuesi gjerman do të dënohet edhe me një ndeshje tjetër për atë ndërhyrje të rëndë dhe kjo do të thot se Myleri do të mungojë dhe në ndeshjen kthyes në “Allianz Arena” më 13 mars.